بازار فاطمیه
ای یار اولما اغیار ، اول یار فاطمیه
تا گرم اولا همیشه بازار فاطمیه
اغیار حقی داندی ، سن حقه اول طرفدار
تک قالماسون جهاندا اول یار فاطمیه
اغیار یخسالاردا سن تازه دن بنا ائت
تا عرشه جک اوجالسون دیوار فاطمیه
بایرامدا گوز یاشونلا باغ ولایه سو ویر
تابا طراوت اولسون گلزار فاطمیه
دشمن باخور آماندی شادلق بساطی قورما
گی قاره اول اورکدن غمخوار فاطمیه
پرچم گوتور دولاندور تا دشمنی کور اولسون
اشراره فاتح اولسون احرار فاطمیه
اورگت کچیک اوشاقدا یافاطمه چاغیرسون
ایلدن ایله چوخالسون آمار فاطمیه
دربار مرتضاده سلمان اول ای مسلمان
یازسون آدون پیمبر انصار فاطمیه
ایام فاطمیه یافاطمه دیدوکجه
پرنور ایدور جهانی انوار فاطمیه
هردلده عشق مولا گر اولماسا یازیلماز
دل دفترینده فیض سرشار فاطمیه
بو عید و فاطمیه بیرنوع امتحاندی
مردود اولان اولانمز زوار فاطمیه
شاعر: ابوالفضل فرهنگی
جوان کانون مشق عشق وعزت ـ بودنیاده یقین هیئتدی هیئت
مــحل کــنـفرانـس معــنویــت ــــ بودنیاده یقین هیئتدی هیئت
بوهیـئتلردن ال چــکمه آمانــدی ــــ امان سیز کسلره دارالا امانـدی
بودانشگاه عرفاندان ال ئوزمه ــــ بورا زیــباترین جــای جــهانـدی
بــوهیـئـتلرکـلا س معـرفـــتـدی ــــ مـحــل آزمـون وامـتحانـدی
بویرده امتــحان عشق ویرسون ــــ سنه نمره ویرن صاحب زماندی
بلی دانشــسرای عـلم وحکمـت ــــ بـودنــیاده یقین هــیئتدی هیــئت
ئوزعهدینده ئولونجه پایداراول ــــ تشـیـــع مـذهـبـنـده بـرقــراراول
وفـاداراول بوعـزت درگـهـنده ــــ قوجـال بویولدا صاحب افتـخار اول
فقیرومستمندین دوت الـیـندن ــــ باشارسون بی کس و بی یاره یـار اول
حـمـایـت ایله دین ومذهبیندن ــــ ولایـت ســنــگریـنده پاسـدار اول
ولایـت سنـگـری ای بالیــاقت ــــ بودنیــاده یقین هیئــتدی هــیــئت
اونـوکـرلرکـه بـودرگهده قـالـدی ــــ حسین عـشـقنده عمرایتدی قوجالدی
بـیـلـه فـکـرائـتمه عمری زایل اولدی ــــ قوجالدیقجا باشی عرشه اوجالدی
حـسیـنـون درگـهـنده نـوکر اولـدی ــــ امـامــیندن مـدا ل عــزت آلـدی
سئوال ایتسون که آیا هانسی مکتب ــــ سنی جذب ائتدی بو سودایه سالدی
جوابـنده دیــرراه ســعاد ت ــــ بودنــیاده یقین هیــئتدی هیــئت
بیرعده مـعـنویـت سیزیاشولار ــــ عبادت سیزاطاعت سـیزیاشـولار
دوشونموللرکه هـیئتده نلروارــــ هزارافسوس هیئت سـیز یاشـولار
بو یردن فیض آلانموللرصدافسوس- بوبابتدن فضیلت سیز یاشولار
تــولاوتـبـرادن یــالانـدان ــــ ویـرولاردم ولایـت سـیـز یاشولار
ندن بیلمولله کانون ولایت ــــ بود نیاده یقین هیئتدی هیئت
نه تنها تک سن عاشق سن حسینه - گلیرسن مجلسنده شوروشینه
مــلــکرآســمانلاردایـقیـنا ــــ عـزابــزمـی قورولارشـاه دیـنـه
بـیلـوللـرکـیـم قـدم قویسااوبزمه ــــ یـتربی شـبه فردوس برینه
یقینیم وار بـیـزی ارشـاد ایـدوللـرــــ دیــوللـرگوئیا اهل زمیـنه
سیزه فردوس زیباای جماعت ــــ بودنیاده یقین هیــتدی هیئت
بـیـزه خـتم رســالتــدن امانـت ــــ قـالـوب دنــیاده قرآنــیلـه عتـرت
بـیـرعــده عــــتـرتی رد ائـتمـــگیـله ــــ ایـدوللر دیــن اســلامـه خیـانت
عـلیـنون حـقـنی چـوخلاردانوللار ــــ بیله اشــخاصه مـیـن یول گوند ه لعنت
بــیلون ای دشـمـنـان آل عــصـمـت ــــ خـیـانـت پـیـشـگـان پـسـت فـطـرت
هــواداران اســلامـه عـلامـت ــــ بـودنـیـاده یقین هـیـئـتـدی هـیـئـت
چـوخـی ظـاهــرده دیـنـه رهنـمـادی ــــ ولـی بـاطیـنده افکاری خطادی
بـیــر عــده بـی ریــادی بـا صـفـادی ــــ بـیـر عــده واقـعـا مـست ولادی
بــو تـعـدادیـن حـسابـی شـیعه لیکدن ــــ یالاندان دم ویرانلاردان جدادی
بــــولار عــشــق ولایــه مـنـتسـبـــدی ـــ بـولار دیـوانـگـان کــر بـلادی
بوقشره بهترین جای اقامت ــــ بو دنـیــاده یقین هیئــتدی هیــئت
الاوهــابـی ای شــیـطـانـه حـامی ــــ الاای انـگلســــتـانـون غــلامــــی
جـوان شـیـعـه هـرگـز گـمـره اولمازــــ اومغـزیـندن چخات بوفـکر خامی
قـولاق ویـردقـتـیـلـه پـست فـطـرت ــــ ایـشـت بـیز شیعه لردن بو پیامــی
پـیـمــبردن صـورادیـن مـبـیـنـه ــــ عــلیـدورشـیعـه نــون اول امـــامی
سیزین تـک ناکسه اتمام حـجـت ــــ بودنـیاده یقین هیئــتدی هیــئت
شعر ـــ ابوالفضل فرهنگی ـــ شعبان8